داریخاندا

رضا عالی(سایاچی)

گؤزوم داریخاندا سنی گؤرمه یه

گئدیره م یوللارا دخیل دوشوره م

اَلیم داریخاندا سنی یازماغا

کلمه لر باغرینی اویوب دئشیره م

 

دونن بولود ـ بولود سنی آغلادیم،

دونن نیسگیل ـ نیسگیل دیز قوجاقلادیم

دونن یئتیم ـ یئتیم قارا باغلادیم

دونن کلمه ـ کلمه (سن) سوراغلادیم

 

منم نیسگیلینی داشییان اوره ک

منم آدین گلجک آغلاغان کؤوره ک

اینان، سولماییب دی وئردیگین چیچک

هله ده بوی آتیر ، هئی  آرزی ـ ایستک...