منيم حاققيمدا...
رضا عالی /هریس ین صوما کندی
هله لیک تبریزده یاشاییرام. ۱۳۵۱ اینجی ایلده تبریزین منبع آدلی بيرمحلله سینده آنادان اولموشام.۱۷ ایلده ن آرتیق دیر کی تبریزده بیراخیلان درگی لرده چالیشیرام.هله لیک ورزقان وتبریزین چئوره سینده کی خیردا شهرلر اوچون اوزه ل ساییلار بیراخیب ياشاييشيمي بئله فيرلانديريرام.شاعیرلیک ائله ییره م.یازیچی لیق ائله ییره م.بیر چوخ درگی ایشلری ایله ده ایلگی له نیره م. چالیشدیغیمدرگی لرده ن بیری (کوشا) درگیسی دير کی هله لیک اونون اوزه ل ساييلاريندا باش یازارلیغی ائدیره م.آشاغیدا شعیرلریمده ن بیرینی قوللوقلارينيزا تقديم ائديره م.
کئفلی خییال
آرخامجا سورونن کئفلی بیر خییال
آرخامجا سورونن آتدیغین داش دیر.
آرخامجا سورونن؟ نه دئییم دوزو
سیر-سیرا باخیش دیر/چاتیلمیش قاش دیر.
ایندی سطیرلریم / ایندی سوزلریم
کاغیذین اوستونده سولوخان قابار
گئجه لر نبضینده دئیینن دامار
منه بیر پای دئیه گونده ردیگین دار
بیلمزدیم آرخامجا سورونن کولگم
منی بیر گون اولار گودازا وئره ر...
داينا