وزیر له چوبان
وزیر له چوبان
ناصر باقری
گونلرین بیر گونو بیر شاه وزیرنده ن سوروشار : دونیانین اَن پیس ایشی نه دیر ؟
وزیر؛ قوربان اوچ گون منه واقت وئر دئیه گئده ر.
وزیر آتینا مینیب چؤلده گئدیردی بیر چوبانی گؤردو اوتوروب داش اوستونده الینده ده بیر بؤیوک الماس واردیر. اؤز- اؤزونه بو چوبان نه بیله جک بو نه دیر دئیه، چوبانا یاخینلاشدی.
وزیر؛ آی قارداش الینده کی نه دیر دئیه چوبان؛ بو بیر ساده داش، سونرا وزیر اونو منه وئره ر سن دئدی. چوبان بیر وزیره باخدی و اوچ دفعه آنقیرسان وئره ره م دئدی. وزیر چؤلده بیر او یان بویانا باخدی هئچ کیمسه یوخدو دئیه اوچ دفعه آنقیردی. چوبان بیر گولومسه دی و الماسی جیبینه قویدو سونرا آیاقا دوروب وزیره سن ائششَکلیگیوی له بیلیرسن کی بوالماس دی من چوبانلیغیم لا بیلمه ییم دئدی. وزیر بیر چوبانا باخدی سونرا آتینا مینیب قصره قاییتدی، قوربان سووالیزین جاوابینی تاپمیشام دئیه سایغی ائتدی.
شاه؛ بس سن اوچ گون اولمادان قاییتدین، وزیر؛ قوربان جاوابیز تاماحدیر دئیه باشینا گلن او اولایی شاها تعریف ائتدی. شاه دا وزیره او حئکمت لی سؤزونه گؤره بیر توربا قیزیل وئردی.
داينا