نیسگیل جنابلاری

^ترجومه

^{حؤرمتلی قلمداش، نیسگیل جنابلاری حسین پناهی نین آشاغیدا وئردیگیم شعرینی تورکجه یه چئویریب منه گؤنده ردی. نیسگیل معللیمه  میننتدارلیغیمی بیلدیریرکن اونو سیز دوسلاریما تقدیم ائدیره م. ساغ اولسون نیسگیل قارداشی و ساغ اولون سیز ده یرلی اوخوجولاری:}

^{سلام ریضا قارداش، هر واختین خئیر! رحمتلیک حسین پناهی ده ن قویدوغون یازی منی ده کؤوره لتدی. اونو تورکجه یه چئویردیم. یاخشی- پیسلییینی اوخویانلار سئچه جک. ساغ اولون...}

^{بلکه ده
بو اولاجاقدیر
منیم ایشیم، وظیفه م:
ایکی ایستیکان ایستی چایی
ایکی یوز قانلی ساواشین آراسیندان،
ساغ- سالامات کئچیردم.
تا کی
بیر یاغیشلی گئجه
اؤز آللاهیملا
گؤز- گؤزه
دیز- دیزه ایچک
ساده جه...}

 

سیناما آکتورو رحمتلیک حسین پناهی

سالام

دوزون آختارسازدونن ده زاتدا وئبلاگلارا باخارکن گؤزوم بیر ادبی قطعه یه دوشدو. اونون حاققیندا معلومات توپلایاندان سونرا بیلدیم کی بو سؤز ایران سیناماسینین ده یرلی آکتورو رحمتلیک حسین پناهی ده ن دیر.من حسین پناهی نی ن اثرلرینی اوشاقلیق چاغیندان آردینی توتاردیم. اؤزونه مخصوص بیر حیس لر وئره ردی منه. بو ادبی قطعه منه کی چوخ خوش گلدی بلکه سیزه ده خوش گلدی دئیه اونوسیزلره تقدیم ائدیره م، بلکه گله جک ده واقتیم اولدو اونو تورکجه یه ده چئویردیم. سیز دوسلارادا ایمکان وارسا ترجومه ائتمه یینیزی خواهیش ائدیره م. هله لیک اونون فارسجاسینی بیرلیکده اوخویاق:

و رسالت من اين خواهد بود
تا دو استكان چاي داغ را
از ميان دويست جنگ خونين
به سلامت بگذرانم
تا در شبي باراني
آن ها را
با خداي خويش
چشم در چشم هم نوش كنيم

"زنده یاد حسين پناهي"

آخشام چاغیلار

 

آخشام چاغیلار

هر ایل یاز گلنده گؤروش یئرینده

گؤزومو یوللارا تیکیب باخارام

گلمزسن، کوچه ده آخشام ـ یاغیش ـ من

قوشولوب یاغیشلا بیرگه آخارام

 

هر ایل یاز گلنده آخشام اولاندا

من، اوره ک، آرزیلار یولا داغیلار

بولود آغ کؤینه یین چؤله سیخاندا

یامان داریخارام آخشام چاغیلار

 

ّهر ایل یاز گلنده آخشام اولاندا

حسره تین داش اولور دوشور باشیما

هر ایل یاز گلنده غریب بیر آخشام

سیغیننام گؤزومون آخان یاشینا

 

هر ایل یاز گلنده یولا باخارام

یازین آخشاملاری پاییزا دؤنر

یوللاردا آچیلار، یوللاراؤلوشگر

گلمزسن شهرده چیراقلار سؤنر

 

صاباح گلجکسن؛ دئییره م هرگون

آچیلیر صاباحلار، سولور صاباحلار

صاباح چکیله جک یوللاردان دومان

گؤزلریم یوللاردا گونون صاباحلار

قلم گونو

بوگون، قاراداغیمیزین حؤرمتلی یازیچیسی جعفر خضوعی طرفینده ن  روز قلم بر شما مبارک باد  سؤزو منه اس ام اس واسیطه سی ایله گلنده او قده ر منی هویوخدوردو، او قده ر منی فیکره دالدیردی کی بیلمه دیم سئوینم، دؤیونم، یوخسا ...

آنجاق حؤرمتلی قلمداش خضوعی جنابلارینا، منی نئچه آنلیق بیر یازیچی حیسی ایله یاشاتدیغی اوچون میننتدارلیغیمی بیلدیریب بو گونو هامینیزا تبریک دئییره م.

قلم گونو بوتون قلمداشلارا موبارک اولسون

روز قلم بر همه دوستان نویسنده مبارک باد

 هر ایل یاز گلنده گؤروش یئرینده

گؤزومو یول‌لارا تیکیب باخارام

گلمزسن کوچه‌ده آخشام، یاغیش، من

قوشولوب یاغیشلا بیرگه آخارام.               رضا عالی

 

آشاغیدا تقدیم ائده جه ییم شعری، ده یرلی دوستوم آیدین باخیش جنابلاری یازمیشدیر. بو ده یرلی دوستوما اللرین آغریماسین دئیه اونو سیزه تقدیم ائدیره م.

 

 آیدین باخیش

هر ایل یاز گلنده آخشام باشیندا

مین آرزی دیله‌ییم یولا داغیلار

بولودلار کؤینه‌یین چؤله سیخاندا

یامان داریخیرام آخشام چاغیلار

 

هر ایل یاز گلنده آخشام باشیندا

داش دوشور گونشین ساچسیز باشینا

او گئدیر داغلارین قوناقلیغینا

منده اوز- گوزومون آخان یاشینا

 

هر ایل یاز گلنده اولدوزلو گئجه

سولومدان یورولوب ساغا دؤنورم

نه یوخو گؤزومه گلیر نه‌ده سن

سونونجو اولدوز تک آخیر سؤنورم

 

گون به گون گلیرم همن کوچه‌یه

اولوشگون دوشور‌لر دونن‌کی گوللر

کوچه همن کوچه گؤز همن باخیش

یاغیش‌لی سووشور آیلار لا ایللر

 

گئجه‌لی گوندوزلو آخشام چاغیدیر

یئرین هر نوقطه‌سی گؤروش یئریمیز

ایلین دؤرت فصیلی ائله همن یاز

بئینیمدن سیلینمیر تک خاطیره‌میز.

 

http://aydin-baxish.blogfa.com/