اویانام گره ک

رحمتلیک مصطفی حسین زاده(قره سو)

 

بو گئجه اوباشدان اویانام گره ک

سازیمین سیررینی آچمالییام من

بوگئجه قان تره بویانام گره ک

گونشین یئرینه ساچمالییام من

 

بیرگون سازچالینیب یارانمیشامسا

ایندیده کؤکله ییب یاراتمالییام

دونن یاشامادان تالانمیشام سا

باشقا جور یاشاییش آرامالییام

 

بلکه ده بوگئجه یاتمامالییام

قارانلیق قوشونو ایزله ییرمنی

سئودامی باشیمدان آتمامالییام

سحرین گؤزلری گؤزله ییر منی