سالاملار سایقیلار اوستاد ... جنابلاری بو شعری اوخویوب منه فیکیرلرینیزی بویورسانیز ممنون قاللام.

محبوب حبیبی (حیدراوغلو)


سئوگیمین شکلینی چکیرسن چکمن

اولدوزسوز گئجه چک، قاشین سئوگیمین
ساغ دؤشون ساوالان ،سول دؤشون سهند
اوجا چک - اوجا چک ،باشین سئوگیمین


بیر گؤزون اورمو چک ،بیر گؤزون خزر
ساچلاریندا گؤنش دوغولاندا چک
منی دنیزلرین دریلیینده
دالقالار قوینوندا ،بوغولاندا چک


آرپا چایی آخسین دامارلاریندا
آرازلا قوشا چای، قووشاندا چک
قودوورد دالقالاری آل بایراقیمدا
کمیلر دنیزله ، باریشاندا چک


حبیبی :سؤزجوک دن ،شکیل چکگیلن
بولود لار گؤیلرده ،اومود بسله سین
دنیزلر شئعیرینده ،ساکیت قالماسین
دالغالار قووزانسین بیرلیک سسله سین


سئوینج بولودلارین قوی یاغا -یاغا
سوسوز اوره کلره یاغیشلار کیمی
الیمین بوشلوغون دوولدور الینن
سئوینسن اؤزگه لر تانیشلار کیمی