1                                                  آلما یئرینه بؤرک

گئتمیشدیم آلما ،آلماغا.آلماچی دا آلما یوخودو!

آلما یئرینه اوچ ده نه ، بؤرک آلدیم . بو ، بؤرک لرده ن بیریسینی کوچه ده ائوه ساری گئده ـ گئده قویدوم اؤز باشیما. باشقاسینی ائوده گتیریب قویدوم حیات یولداشیمین باشینا . اوچونجوسونو اوغلومون آدینا آلمیشدیم. قویدوم اونون باشینا،اونون باشینا یئکه گلیردی ، آما اوغلوم دینمه دی. اؤز ـ اؤزمه:

یاخشی اولدو هله.باشیمیزا سویوق ده یمز.دئدیم . آخی دونن قار یاغمیشدی ...                                

سه شنبه   9/1/1384

 2                                    باغیشلارسیز بو سیزیندیرمی؟!

هارا گئتدیم ، دئدیلر : یوخدو .

الیمده پولوم اولا ـ اولا قالمیشدیم کی،هاردان تاپیب آلمالی ـ یام.یوخودو.

اورا ـ بورا ، او تانیشدان،بو یاد ـ دان.بیر تیکه چؤره ک آلموشدو. او ، آتلی من ایسه پییادا .

ملول ـ موشکول اوتورموشدوم ائوده، بیرده ن قاپی چالیندی.قونشولاریمیزدان بیری ـ ایدی . سالام لاشدیقدان سونرا دئدی :

ـ باغیشلارسیز بو سیزیندیرمی؟!

من آختاردیغیم ایدی!!!گیج قالمیشدیم . بیلمیردیم یئییم کی منیم دیریوخسا یوخ .

بیر آز دایاندیم . بیر الیم دئییردی : آل باشقاسی دئییردی : یوخ ، آلما! سنین ده ییل .

قونشودان سوروشدو ، هاردایدی؟

دئدی : دوشموشدو ، قاپیمیزین قاباغینا .

آلمادیم . «آلما سنین دئییل » دئیین الیم دوز دئییردی

منیم کی ده ییلدی ...

 3                                 یازدیم ، پوزدوم

یازدیم ، پوزدوم ، ئینه یازدیم ، ئینه پوزدوم ، سون دونه بیر دا یازدیم ، ایسته دیدیم پوزام ، پوزابیلمه دیم .سیلکینی اوقده ر کاغذین اوستونده دولاندیردیم کی سیلگی اوزو پوزولدو . باققال توکانی یاخینلیغیمیزدا اولوردو . گئتدیم اوردان ئینی بیر سیلگی آلام . باققال چوخ آختاراندان سونرا سیلگی آدینا بیر قلم قویدو قاباغیما ...           یکشنبه  14 / 1 / 84

4                                               بر ـ بریمجی ، شاخما آغاجی! 

دونن ایدی سانکی ، بیر قاناد اولدوزدوشدو حیَطیمیزه . البتته حیط دئینده ـ ده کی منیم حیطیم یوخودورکی . اؤزگه نین ائوینین حیطینه کی من ده اوردا کیرااوتوروردوم . بو بیر قاناد اولدوز بیلمه دیم منیم اولوردو یوخسا ائو صاحابینین؟   (اؤزگه ـ ده دئمک اولموردو اونا،ایندی او منیم لاپ یاخین آدامیم اولوردو)

حیطیمیزه دوشن او بیر قاناد اولدوز کی منیم یوخ ، آما منه لاپ یاخین اولان آدامین ائوینین حیطینه دوشموشدو.هر یانی ائله ایشیقلاندیرمیشدیرکی ،گئجه اونون ایشیغیندا اوتوروب اوغلوم ایله بیر آز« بر ـ بریمجی ، شاخما آغاجی ، شاطیر گئچی ، قوغزا آغاجی ... » اوینادیق ، او گئجه ائله کئف ائله دیک ...