داینا    

 نیسگیللی سس

نییه اوره ییمین نیسگیللی سسی

دارا چکیلیبدیر بارماقلاریمدا

نییه سنین اوچون قاوزانان سسلر

دایانیب بوغولوب دوداقلاریمدا

ایتیب سؤزلریمده معنا، دوشونجه

یوموب حقیقته کلمه لر گؤزون

سئویلن بیر اوره ک سئوه ن بیر اوره ک

ایتیریب وارلیغین، ایتیریب اؤزون

نیشانلی اللریم، نیشانلی کؤنلوم

گئجه ساغلیغینا باده قالدیریر

دوستاق دووارلارین سؤکن اللریم

اوره ک لر آراسی سرحد سالدیریر

میضراب قمچیسینی توولایان اللر

تیکانلار تئلینی تومارلاییرلار

شرفلی صاباحدان دانیشان دیللر

گئجه یوللارینی هامارلاییرلار

آدین کئفلندیره ر سطیرلریمی

بلکه بیر ایچیم لیک گؤزونده ن ایچسم

آدین اوره ییمده تومورجوقلانار

اؤزلوک تارلاسیندان بیر الچیم بیچسم