بو شعری ساز سؤز انجمنی نین ده یرلی اؤیه سی حؤرمتلی شاعیر دوستوم «دادا» جنابلاری داینا سؤزو حاقدا یازیب. ساغ اولسون بو قارداشی. مین یاشاسین داینایا گووه نن دوسلار...

سن يـايـاجاقسان

گـل سنـده منيم كـؤنـلومو بيـــر آلماغا دايـنا
آچ بـاغــرينــي ايستكلـريـمه دالـماغـا دايـنا
ديشلـر تؤكولوب ، باش آغاريب ، بئـل بوكولوبدور
گـوج يـوخدو گؤرورسن سازيمي چالماغا داينا
بوندان بئله ائـل ماهنيلاريـن سن يـايـاجاقسان
دونيـا منـي چـوخ قـارشيـلاميـــر قالماغا داينا
آي يوردومـون أن ياخشي يانار عاشيقي ياتما
سؤز وولـكـانينـا دور اؤزونـو سالماغـا دايـنا
آنـجاق دادانـــي ساتما اوجوز ، تئللري تيتره ت
تـرپشگيـله بيــر اينـجه كـؤنـول آلماغـا داينا